SuperDizionari

monolengâl

fâ mâl loc.v.

Causâ dolôr, fisic o ancje psicologjic, morâl e v.i.

esemplis

"al à un sôl pâr di scarpis e ancje chês i fasin mâl a un cal"

gjavât fûr di "Une scarpute" di Pieri Somede dai Marcs

"i soldâts si jerin metûts intor, un cuadrât cun lôr tal mieç e il maressial in bande. Leadis lis mans daûr de schene cuntun filistrin strent di fâur mâl"

gjavât fûr di "Par stradis lungjis" di Alan Brusini

fâ mâl loc.v.

Fâ stâ mâl tal cuarp o ancje te ment, fâ lâ in piês la salût, l'umôr e v.i.

esemplis

"simpri sole e lui a bevi ta la ostarie: [...] jal ai dite tantis voltis che il vin i fâs mâl , che al è la malore de cjase, o ai tant preât, businât, tempestât ma dut dibant"

gjavât fûr di "Al fresc" di Pieri Somede dai Marcs

fâ mâl loc.v.

Compuartâsi in mût di causâ dam a chei altris

sinonims

fâ dal mâl

esemplis

"e je int che no à mai fat mâl e no je buine di fâlu"

gjavât fûr di "La cjase" di Alviero Negro

"«Fâ mâl a dinissun e il Signôr le metarà dute ancje par me»"

gjavât fûr di "Viliacco" di Riedo Pup

fâ mâl loc.v.

Fâ une cualsisei ativitât tal mût no coret e cun risultâts negatitîfs

esemplis

"la campagne si stufe di dâ frut, / e si lavore sence vê costrut. / E chest avîs al serf par cualchi siôr / che al fâs mâl di paron e di fatôr, / che l'à grancj cjamps lassâts in abandon"

gjavât fûr di "Il Strolic mezan pronostic par l'an 1856" di Pieri Çorut

fâ mâl loc.v.

Compuartâsi te maniere falade, in maniere che e fâs dam a se stes o a chei altris o intune maniere che e ven valutade in mût negatîf

esemplis

""Crôt di capî che o vin fat mâl a cjatâsi bessôi in cjase, in cheste cjase specialmentri, dulà che fevelâ di amôr al è pecjât""

gjavât fûr di "Amôr in canoniche" di Bruno Paolo Pellarini

"tu fasis mâl a scuindi alc a tô mari"

gjavât fûr di "Cjase di Dalban" di Maria Forte

detulis

"a fâ mâl, si lu cjate; a fâ ben, si lu piert"

"al fâs mâl tant cui che al ten che cui che al scortee"

"al fâs mâl tant cui che al ten che cui che al scuarte"

"cjan che al baie nol fâs mâl"

"cuant che a fasin mâl i cai, la aghe no mancje mai"

"cui che si inrabie al fâs mâl, cui che nol dîs nie al fâs piês"

"fin a Nadâl il frêt nol fâs mâl, di nadâl inlà il frêt si 'nd va"

"il pôc nol fâs mai mâl"

"la ombrene di Istât e fâs mâl di Invier"

"nuie nol fâs tant mâl che il vizi vistût di virtût"

"trê a son i difiets dai furlans: fâur mâl ai fradis, lavorâ pai altris, alçâ il comedon"

"un al fâs mâl a cent"

"un sôl ingrât ur fâs mâl a trops pitocs"

torne sù